15:47 | 22 يناير 2021
رئيس مجلسي الادارة و التحرير
عبد الفتاح يوسف
نائب رئيس التحرير
شامل دسوقي

اعطي لنفسك فرصه

الثلاثاء 01-12-2020 05:31 ص
اعطي لنفسك فرصه
img_comment
محمد مدين

اعطي لنفسك فرصه !!!! الجمله دي انا سمعتها داخل أحد المجتمعات المصرية المحترمه جدا عند ناس معجزات عايشه حياتها بمباديء وقيم وتقاليد وانشطه وحاجات حلوه كتير بيعملوها ومبيكلموش عنها ولا حتي بيحاولوا يذكروها الا داخل مجتمعهم البسيط لما سمعتها اول مرة كان من حوالي عشر سنين وبكل امانه عدت عليا كده زي السلام عليكم وعليكم السلام يعني مرور الكرام وبعد مرور تلك السنوات العجاف بكل مميزاتها وعيوبها اكتشفت معناه خلال اخر سنه اعيشها واستمتع داخل تلك الحياه كائن حي زيه زي كل الكائنات من سلالة بني ادم البشر يعني وبقالي كام يوم بفكر نفسي دائما بالجمله دي ( ادي نفسك فرصه ) وانا بفكر كده عقلي اللا واعي بيستحضر علي الفور المواقف والأحداث المهمه اللي مرت بيا من خلال حواس السمع والبصر منذ اللحظه الأولي لسماعي تلك الجمله طيب اكتشفت ايه ادي نفسك فرصه انك تعيش كأنسان ومتنزلش نفسك للمستوي الحيواني ادي نفسك فرصه انك متسرقش انك متنصبش انك متشربش حاجه احمره ولا أخضره ( مخدرات ) انك متزنيش انك متأذيش انك متجيش علي أهل بيتك انك متضربش مراتك أو عيالك انك تعامل جيرانك بأحسان انك يكون عندك صلة الرحم انك متضيعش فلوسك في الهلس والحرام انك تحافظ علي صحتك انك تتعلم انك تشتغل انك تعمل علاقه مع ربنا انك تستمتع بالحياه انك تموت وانت مرتاح البال أنك ترضي بالقضاء والقدر انك متستأش ولا تحكم علي الأخريين انك متقتلش انك متتسجنش ولا ترتكب جريمه يعاقب عليها القانون انك تكون سعيد انك تكون عندك زوجه واسره سعيده انك تكون بار بوالديك انك تتصدق انك تقراء انك تكتب انك تكون ناجح في عملك انك يكون عندك امل انك يكون عندك اهداف انك تشعر بالأمان انك تصبر وتثابر وتعافر بالحلال انك تكون عندك امانه انك تكون ملتزم انك تتحمل المسؤولية انك يكون عندك استمراريته انك تعوض نفسك انك تكون مستعد ومقدر عواقب الأمور انك تكون معجزه من ضمن المعجزات انك تكون بطل انك تكون مسئول منتج في المجتمع ....... تخيل حضرتك كده في عقلك الواعي انك تعرف تعمل شوية الحاجات دول بشوية مجهود وبممارسة الانضباط علي اساس يومي ادي نفسك فرصه تعيش وتستمتع بالحياه وتكون انسان لما تجيلك الجمله أو تقراها متعملشي زيي وتعدي عشر سنين من عمرك من غير ما تعمل بيها صحيح انا بعمل بيها بقالي سنه والحمد لله فهمت معناها كويس جدا حاليا لكني كنت أتمني أن تعود عقارب الساعه الي عشر سنوات مضت ولكنها لن تعود انت تقدر تعمل اكتر من كل ده بكتير هو صعب لكن والله العظيم مش مستحيل . ادي نفسك فرصه اسلوب حياه

تابعنا على فيسبوك

تابعنا على تويتر