أنغـام في تسجيـل صوتي عبر حسابها توجه رسالة مؤثرة لجمهورهـا 🎙️ صباح الخير، أنا حسيت إني محتاجة أتكلم وأقول شكرًا من كل قلبي لكل حد وقف جنبي، وكل حد دعالي من قلبه.. حتى اللي يمكن مكنش بيحبني واكتشف في اللحظة دي إنسانيته وقرر يدعيلي. دعواتكم كانت هي الدواء، وهي الإيد اللي بتطبطب، وهي الحنية اللي وقفتني على رجلي بعد ربنا.
إنتوا دعيتوا لـ أم أتمنت من ربنا إنها تكمل حياتها شوية عشان تعيش مع أولادها وتفرح بيهم وترجع تلاقي نفسها وسطهم تاني. أنا كان خوفي الوحيد إني أسيب ولادي.. مكنتش عايزة من الدنيا غير الدعوة دي، إني أرجع لهم وأعيش جنبهم.
أنا عدّيت بمحنة صعبة جدًا وقاسية عليا، ويمكن أول مرة في حياتي أحس بالضعف بالشكل ده.. لكن صدقوني أنا مش خجلانة أبدًا من ضعفي قدامكم، بالعكس حسيت إني بين أهلي. مش عيب إن الإنسان يضعف وسط أهله ويطلب منهم يستحملوه وقت الشدة.. وإنتوا فعلًا استحملتوني، ووقفتوني على رجلي بدعواتكم ومحبتكم اللي وصلت لقلبي. ،، الحمد لله، الحمد لله، الحمد لله 🤍
اقرأ أيضاً
أخبار ذات صلة
- بدر الدين جمجوم: فنان أثرى الكوميديا وثقافة الوحدة الوطنية
- جلا هشام تكشف عمق علاقتها بـ 'ناعومي' في 'ميد تيرم': دور يلامس الروح ويُحدث فارقاً في مسيرتها
- كردستان: وجهة سينمائية واعدة تتألق في مهرجان البحر الأحمر
- مسرحية "جين" النفسية والفلسفية تثير العقول على مسرح المعهد العالي للفنون المسرحية
- نقابة المهن التمثيلية تتخذ إجراءات قانونية ضد التصوير المسيء لريهام عبد الغفور.. وتشدد الضوابط الأمنية