"شغلنهم إحنا غيرهم" اغنية جديدة لطارق الشيخ وعبد الباسط حمودة

طرح النجم طارق الشيخ والنجم عبدالباسط حمودة، أغنية جديدة تحمل اسم "شاغلينهم إحنا غيرهم" من كلمات محمود سوستا وألحان خالد سلطان وتوزيع خليل وشندى، وتم تصوير الأغنية على طريقة الفيديو كليب بشكل جديد لاقى إعجاب الجمهور . وطرح النجم طارق الشيخ أحدث أغانيه بعنوان "موجوع والهم قتلنى" من كلمات أحمد حمتو وألحان كيمو الديب وتوزيع قط كرموز.

وتقول كلمات الأغنية: موجوع والهم قتلني وغصب عني دموعي بتبان، وبحاول أداري كتير أني أنا مكسور وأني أنا تعبان، بس أنا ف الآخر بضعف اعمل إيه طب منا إنسان، إنسان والحزن كسرني لكن مضطر أني أنا مشكيش، وبحاول أني أتأقلم مهما اتألم لازم أعيش، والنبي ياعيوني بلاش الدمعة ياريت آه متفضحنيش.

وفى حديث صحفى مع الفنان طارق الشيخ قال : مؤدو المهرجانات يفسدون الذوق العام، وأرفض دخول أبنائي مجال الفن واستكمل كلامة قائلا :  " بختار كلامى كويس لان ربنا هيحاسبنى علية "

طارق الشيخ  والراقصات  اكد الفنان طارق الشيخ، أنه رفض العديد من العروض الفنية وكذلك كليبات غنائية خلال السنوات الأخيرة، بسبب وجود راقصات فيها، قائلًا: " فيه رقاصة بتطلع ترقص فعلًا، وفيه رقاصة تانية بتطلع تعمل إغراءات ومش بتكون لابسة حاجة " وقال طارق الشيخ إنه من السهل تصدر قائمة التريند، حال ظهوره بجانب راقصة في عملٍ فني، لكنه يرفض التراجع عن مبدأه وموقفه، مُبررًا ذلك: «هبوظ نفسي لو عملت كليب وفيه رقاصة تقف جنبي .. المستمع بعد كده ودنه مش هتكون معايا، لكن عينه هتكون عليها هي " وأوضح أنه لديه موقف ضد بعض الراقصات، اللواتي يعتمدن على الإغراء والعُري في الحفلات والأفراح، قائلًا: «أنا مش ضد الرقص عشان هو موجود في الأفلام والأغاني والحفلات من زمان، لكن فيه إغراء وعُري أنا ضده .. ده فيه راقصات بتغير لبسها على المسرح، ومعندهمش مشكلة" وتابع: «الأفراح دلوقتي فجأة بقى فيها يجي 20 رقاصة.. طيب أنا أغني فين وأقف فين؟.. ده لا أسلوب فن ولا هيخليني مبدع .. أنا مش بوافق أرقص مع الراقصات اللي بالنوعية دي خالص"