تراجع الفنان حسام حبيب عن هجومه العنيف على تامر عاشور مؤخرًا، على خلفية دعم الفنان تامر عاشور لشيرين عبدالوهاب من خلال تغريدة نشرها على حسابه على منصة "إكس"، وقت تفاقم الأزمة الأخيرة بين شيرين عبدالوهاب وحسام حبيب قائلأ: "على فكرة يا جماعة أنا كنت بهزر هو فنان محترم وله جمهور كبير، وبيقدم فن راقي وأنا بعتذرله لو كان الهزار تقيل أنا بس كنت بنكشه لأنه تقلها عليا شويتين بس هو زميل محترم وبيقدم فن محترم أنا بحب اللي هو بيقدمه وهو أجتهد ولكل مجتهد نصيب معلش حقك عليا يا نجم "
جاء ذلك بعد رسالة الفنان تامرعاشور لدعم الفنانة شيرين حيث علق قائلا : " كل اللي أقدر أقوله في موضوع شيرين عبد الوهاب إن مفيش كلمة واحدة بس من اللي اتقالت وانتشرت صح، أنا قريب من أهل شيرين ووالدتها وأخوها.. أنا برضه أقول لها إننى بحبها وكل الدنيا بتحبها وتحب فنها" . وأضاف: " أهل شيرين مظهروش في حياتها آخر سنتين تلاتة أهل شيرين هم أهل شيرين من زمان كل نجاحات شيرين كانت وسط أهلها وناسها اللي يشيلوها من ع الأرض شيل.. يا رب يبعد عنها كل خبيث وأناني وفاشل وممثل" . وتابع: " هي أطيب منهم كلهم وهم اللي وقعوها فكل مشاكلها انت بمن حولك لو اللي حواليك فشله غصب عنك لازم تبقى زيهم وتعافر علشان تقدر تمارس اللي كنت بتعمله في عدم وجودهم بمنتهى السهولة" . واختتم المطرب تامر عاشور قائلا: "أنا أكلت عيش وملح في بيتها وفي بيت أمها وأخوها وكان لازم أقول الكلام ده علشان الكلام ده هو الكلام الحقيقي، ولا كلمة من اللي اتقالت واتسمعت لها أساس من الصحة..أهل شيرين هم هم أهل شيرين من زمان قوي.. بالعقل".
