هاجمت الإعلامية ريهام سعيد الفنانة عبير صبري بعد موقف حدث بينهما دفعها لقول إنها لا تريد التحدث معها مرة أخرى وقالت "أنا بقابل ناس كتير بيشجعوني بيقولولي إنتِ حلوة وزي القمر، مفيش غير واحدة بس لي جرحتني جرح فظيع ويمكن مش مفروض أقول اسمها، إحنا صحاب اشتغلنا مع بعض، بس هي قابلتني وقالتلي كلمة ضايقتني أوي".
وأضافت: "كنت رايحة في حفلة على البحر وشفتها، كنت الوحيدة اللي حاطة ماكياج، وإنتي عارفة البحر ماينفعش تحطي ماكياج، فأنا وداخلة مدهونة قالتلي.. ما إنتِ كويسة أهو، انت بقى دراما كوين وبتحبي تعملي دراما، أنا بعدها سبت الحفلة دي وركبت عربيتي وقعدت أعيط". واستكملت حديثها : "عبير صبري، بقول اسمها عشان مش عايزة أكلّمها تاني، لأن مش من واجب إنه هو يوقف جنبي، وما فيش حاجة يقدروا يعملوها لي، لكن إن تقُل خيرًا أو لتصمت". واختتمت : إن هناك كتير من الفنانات تواصلن معها لعرض المساعدة وكان على رأسهم ريهام حجاج، ورضوى الشربيني التى كانت تبحث لها عن دكتور آخر لكي يحاول أن يساعدها فى عودة ملامح وجهها مرة أخرى وبالفعل ذهبت معها إلى عيادة متخصصة فى مجال التجميل إلا أنها لم تستطع فعل شىء وأصبح الوضع كما هو عليه.
ريهام سعيد والطبيب اللبنانى
خرج طبيب التجميل اللبناني نادر صعب عن صمته، ليرد على حديث الفنانة ريهام سعيد وقال نادر صعب في مقطع فيديو ظهر خلاله، عبر حسابه الرسمي بموقع التواصل الإجتماعى «إنستجرام»، وتحدث قائلا: «حضرتك جيتي عندي لتصحيح الوجه وعندك شكاوى من العنق والفم والخدود لأنك كنتٍ خاضعة لعمليات سابقة، وأنا شرحتلك والكلام موثق وصورتلك واتفقنا مع بعض، وعندك كامل المعلومات عن العملية وعن الجرح وهذا موثق». وأضاف: «العملية شد الوجه، والنتيجة مابتظهرش تاني يوم، وحسب الملف الطبي والتاريخ التجميلي وأكيد شرحتلك، وإذا كان في مواد وخيوط ودهون باعترافاتك حول العيون، علمًا بأنني لم ألمس الجفن العلوي ولا العظم فوق العين وهذا تم تصويره، هل في عملية جراحية من غير جرح؟، مفيش، وحسب الأصول الطبية المعتمدة وحالتها، اشتغلت بضمير». واستكمل: «تاني يوم من العملية خرجت من المستشفى مش زي ما بتدعي أنها خرجت بعد شهر ونصف، والأغرب أنها عملت حملة ترويجية لمنتج لشد الوجه ولم تخبرني بهذا الأمر ولم أعلم نوع الكريمات التي تستخدمها، وكنت بشوفك على التليفزيون متألقة».
