فيما تتشابه صبا مبارك مع هند سالم في بين السطور؟

* أتشابه معها في النقاط الايجابية وصعوبة شخصية هند سالم جابلي إحباط كنت بروح تعبانه وحاسة جسمي كله بيوجعني 

* مش ممكن أعمل إجهاض زي هند ده قرار قاسي والي مش عاوز يخلف يعمل إحتياطته قبلها

* مش مع أن الناس تفضل تخلف لكن قرار الإنجاب لازم يتحسب كويس العالم أصبح قاسيا 

* الأبوة والأمومة مسؤولية صعبة ومش سهل حد يكون أسرة في الزمن ده ومش ضروري

 

   قالت الفنانة صبا مبارك أن هناك أوجه تشابه أو نقاط تتلاقي فيها مع شخصية " هند سالم " في مسلسل بين السطور وذلك في النقاط الايجابية التي تتسم بها شخصية هند مثل الإصرار على النجاح والنزاهة في العمل مشددة : " في الحاجات الحلوة إلي فيها بتلاقى معاها "

 

   متابعة خلال لقاء عبر برنامج " كلمة أخيرة " الذي تقدمه الإعلامية لميس الحديدي على شاشة ON: " أكيد بتشبهني في حاجات في حياتها في بعض النقاط " الباك جراوند " في بعض الحاجات بس مش بنفس القسوة 

 

   مواصلة : " إحنا كمثلين لازم تلاقي حته نتواصل فيها مع " الكاركتر" الي هنأديه كان لازم أحب هند وأبقى حيادية في الحاجات الوحشة الي فيها علشان أجسدها وأخلي الناس تحس بيها لحم ودم"

 

   مردفة في تعليقها على صعوبة شخصية هند سالم الممنوعة من التعبير عن مشاعرها : "مش سهل خالص وجابلي إحباط كان في أيام بروح زعلانه حاسة أن جسمي واجعني ورقبتي واجعاني وبجد عاوزة أعيط ومش عارفة وفضلت فترة بعدها مش عارفة أقول حاجة قعدت شهرين " متنحه "، لكنها أكدت أن الشخصية في النهاية هي عبارة عن قطعة من " القماش " يتم تطريزها بكل تفاصيلها".

 

   وعن إمكانية لجوئها في الحياة عامة لإجهاض طفل كما فعلت هند سالم ردت قاطعة : " أعوذ بالله عمري ما أعملها شيء صعب جدا الي مش عاوز ينجب يعمل إحتياطته من الأول وهناك بعض الاستثناءات فيه ناس تانية ممكن تعمل كده علشان حالة الجنين الصحية أو صحة الأم "

 

   مواصلة : " شيء قاسي أن يأخذ الإنسان هذا القرار وأنا مش مع الناس تفضل تخلف والأمومة والأبوة شيء صعب وماينفعش في الزمن ده ومش أي حد قادر على إنشاء أسرة وليس بالضرورة أن ينشأ أسرة"

 

   وعن سبب رؤيتها أنه ليس من الضروري أن تنشأ المرأة أو الرجل أسرة قالت : " إحنا في زمن تاني صعب ما فيش سلام في العالم وناس كثيرة مهجرة وفيه اسر أولادهم بيقتلوا فيه مخدرات وعنف وإرهاب وعنصرية.

 

   العالم قاسي والدنيا لم تعد بالشكل الرومانسي التي نشأت فيه وكذلك أمي الدنيا بقت صعبة وبالتالي قرار إنجاب طفل في العالم لازم يحسبه بشكل جيد ولا يفكر فيه بشكل أناني.