ئەنزۆ فێرناندێز: ئەستێرەی چێڵسی دوای قسەکانی ڕیاڵ مەدرید کێشەکەی چارەسەر کرد

ئەوروپا — ئاژانسی هەواڵی ئەخباری

ئەنزۆ فێرناندێز، ئەستێرەی ناوەڕاستی ئەرژەنتینی یانەی چێڵسی، هیواخوازە هەوڵەکانی بۆ چارەسەرکردنی کێشەکانی لەگەڵ کارگێڕی یانەکەی سەرکەوتوو بێت، دوای ئەوەی پێشتر ئارەزووی خۆی بۆ یانەی ڕیاڵ مەدرید دەربڕیبوو. فێرناندێز توڕەییەکی زۆری لە نێو هاندەران و کارگێڕی چێڵسیدا دروست کردبوو کاتێک لە لێدوانێکی ڕۆژنامەوانیدا ئاشکرای کرد کە ڕۆژێک لە ڕۆژان دەیەوێت یاری بۆ ڕیاڵ مەدرید بکات.

ڕوونکردنەوەی بریکاری یاریزانەکە

بەپێی ڕاپۆرتێکی ڕۆژنامەی مۆندۆ دیپۆرتیڤۆی کەتەلۆنی، خافێر پاستۆری، بریکاری ئێستای ئەنزۆ فێرناندێز، لێدوانێکی داوە. پاستۆری ڕایگەیاند: "ئێمە لەگەڵ چێڵسی ڕێککەوتین، و دوێنێ بابەتەکەمان یەکلاکردەوە، هەرگیز هیچ کێشەیەک نەبووە." ئەو زیاتر گوتی: "ئێمە بابەتەکانمان ڕوون کردەوە، لێدوانەکانی بە هیچ شێوەیەک بە مەبەستی دروستکردنی کێشە لە چێڵسی نەبووە، ئەو یەکێکە لە سەرکردەکانی تیپەکە."

نرخی بازاڕ و گرێبەست

بەهای بازاڕی ئەم ئەستێرە گەنجە ئەرژەنتینییە نزیکەی 90 ملیۆن یۆرۆیە. ئەنزۆ فێرناندێز تەمەنی 25 ساڵە و لە ناوەڕاستی بەرگریدا یاری دەکات، گرێبەستەکەی لەگەڵ چێڵسی لە حوزەیرانی 2032 کۆتایی دێت. فێرناندێز لە 161 یاری بە درێسی چێڵسییەوە بەشداری کردووە، 28 گۆڵی تۆمار کردووە و 29 گۆڵی دروست کردووە.