عێراقچی ستایشی هاوپه‌یمانی ستراتیژی نێوان ڕوسیا و ئێران ده‌كات

ئێران — ئاژانسی هەواڵی ئەخباری

عه‌باس عێراقچی، وه‌زیری ده‌ره‌وه‌ی ئێران، ستایشی قوڵی و به‌هێزی په‌یوه‌ندی ستراتیژی نێوان تاران و مۆسكۆی كرد. عێراقچی جه‌ختی له‌سه‌ر گرنگی په‌یوه‌ندییه‌كانی نێوان هه‌ردوو وڵات كرده‌وه‌ و وتی كه‌ ئه‌م هاوپه‌یمانییه‌ ڕۆڵی گرنگ ده‌گێڕێت له‌ سه‌قامگیری ناوچه‌كه‌.

پشتیوانی ڕوسیا بۆ هه‌وڵه‌ دیپلۆماسییه‌كان

وه‌زیری ده‌ره‌وه‌ی ئێران پێشوازی له‌ پاڵپشتی ڕوسیا كرد بۆ هه‌وڵه‌ دیپلۆماسییه‌كان به‌ مه‌به‌ستی هێورکردنەوەی گرژییه‌کان له‌ ڕۆژهه‌ڵاتی ناوه‌ڕاست. ئه‌و وتی كه‌ پاڵپشتی ڕوسیا هه‌نگاوێكی گرنگه‌ بۆ پاراستنی ئاشتی له‌ ناوچه‌كه‌. هاوكاری نێوان تاران و مۆسكۆ به‌ بنه‌ڕه‌ت داده‌نرێت بۆ چاره‌سه‌ركردنی كێشه‌كانی ناوچه‌كه‌.

بەرژەوەندییە ستراتیژییە هاوبەشەکان

هه‌ردوو وڵات به‌رژوه‌ندی ستراتیژی هاوبه‌شیان هه‌یه‌ و له‌ چه‌ندین بۆنه‌ی نێوده‌وڵه‌تی هاوكاری چڕوپڕ ده‌كه‌ن. هاوپه‌یمانی ئێران و ڕوسیا بناغه‌یه‌كی سه‌ره‌كیه‌ له‌ سیاسه‌تی ناوچه‌یی و ئامانجی سه‌ره‌كی بریتییه‌ له‌ به‌هێزكردنی سه‌قامگیری و ئاسایش. هه‌ردوو وڵات كار بۆ ئه‌وه‌ ده‌كه‌ن كه‌ له‌ ڕێگه‌ی دیالۆگ و هاریكارییه‌وه‌ بگه‌نه‌ چاره‌سه‌ری ئاشتیانه‌ بۆ كێشه‌كان.