أحمد فهمي.. لم أولد وفى فمى معلقة ذهب بل عشت تجربة كفاح من أن كان عمرى 9 سنوات

 كشف الفنان أحمد فهمي عن تفاصيل رحلته الشخصية وجهوده منذ الصغر، مؤكداً أنه لم يولد وفي فمه ملعقة من ذهب، بل عاش تجربة كفاح طويلة بدأها منذ عمر تسع سنوات.

وقال: «بشتغل من عمر تسع سنوات وكنت بتشتغل وبدأ الحلم بالنسبة لي أني أشتري جزمة تمنها 25 جنيه، وده كان وقت دراستي في المعهد العالي للموسيقى الكونسرفتوار، وكان أبوي بيجيبلي جزمة في السنة».

أضاف، خلال لقاء ببرنامج «الصورة» الذي تقدمه الإعلامية لميس الحديدي على شاشة النهار: «أنا دلوقتي عندي عقدة من الجزم وبجيب جزم ومش بلبسها».

ووجه فهمي نصائح للشباب والأولاد قائلاً: «حط نقطة عاوز توصلها وماتبصش حواليك وتسأل ليه ده عمل كده ووصل لده، إنت اعمل لتحقيق هدفك. دايمًا لو شعرت بالتعب أو أنك لم تحصل على حقك، بص وراك وشوف أنت مشيت قد إيه، هتلاقي نفسك مشيت شوية حلوين، مش شرط تنط 300 درجة مرة واحدة».

وأكد: «ربنا بيدي كل بني آدم ما يستحقه في التوقيت المناسب، اشتغل واعمل مجهودك. لو أخذت عليه 20 درجة كويس، خمسة كويس، مش لازم أبقى أحسن بني آدم في الدنيا، وحتى لو عاوز هعمل ده بمجهودي، أعمل اللي عليا».